DARREN POV
Kinabukasan ay nagising ako ng masaya. Naging kaugalian ko na ang maagang gumising dahil sa dami ng trabaho ko ngunit magmula nang mabuntis si Kiera ay mas dumuble pa ang sipag ko. Gusto ko ay palagi kong naihahanda ang pagkain niya bago pa man siya magising dahil maaga siyang nagugutom. Marahil ay dahil na rin sa nagdadalawang tao siya kaya naging gano'n. Nakakapagod ngunit masaya at nasasabik na ako sa pagdating ng mga anak ko.
Mariin akong nakatitig sa mukha niya na payapang natutulog. Nakangiti kong inayos ang ilang hibla ng buhok nito na humaharang sa kanyang mukha at inilagay iyon sa likod ng kanyang taenga. Nakakatuwang pag masdan kung paano siya patagilid na humiga dahil nakahawak pa ang isang kamay nito sa malaki na niyang tiyan. Na kahit sa oras ng payapa niy
