KIERA POV
Tulog pa ang diwa ko na kinapa ang bahaging kinahihigaan ni Darren, ngunit nang walang matigas na katawan na makapa doon ay tuluyan na ngang bumukas ang aking mga mata. Paulit-ulit akong kumurap nang maaninag ang dalawang tao na naka-pangalumbaba sa gilid ng kama habang nakamasid sa akin.
"Aahh..." nagugulat na sigaw ko nang tuluyan na ngang makilala ang nagmamay-ari ng dalawang pigura. Ang kambal na si Esha at Amie ay para bang nababagot na ang kanilang mga mukha habang hinihintay na magising ako.
"Sa wakas ay nagising na rin ang buntis. Akala ko pa naman ay hanggang bukas pa kami maghihintay sa'yo," mapanuyang sambit ni Amie at pina-ikutan pa ako ng kanyang mga mata.
"Ano bang ginagawa niyo dito?" inaantok na tanong ko. Paulit-ulit kong kinusot ang aking mga mata upang
