"Hindi ko na alam ang gagawin ko sa kaniya, Vanya. Feeling ko nagrerebelde siya dahil sa pag-iwan sa kaniya ni Athan," si Mychal at nasa bahay siya ngayon ni Vanya.
Si Vanya ang naisip niyang puntahan para humingi ng tulong sa ginagawang kagagahan ni Ayu. Tuloy-tuloy na kasi ang paglabas ni Ayu sa gabi at wala naman siyang karapatan na kontrolin ito kaya hinahayaan lang niya. Nga lang ay nag-aalala na siya kaya kinailangan na niya ang tulong ni Vanya.
"Hayaan mo siya, Mychal. Ganoon ang gusto niyang buhay. Ang maging kabit habambuhay kaya wala na tayong magagawa. Gasgas na rin ang dila ko kakasermon sa babaeng iyon. At sawang-sawa na ako," sabi ni Vanya.
Nabahala si Mychal. Akala niya kasi ay magiging katulungan niya ito sa pagpapatino kay Ayu dahil kaibigan ito ni Ayu pero mukhang nag
