Natigilan sa paghakbang si Yhannie nang makita niya ang babaeng tinitingnan ng kaniyang asawa. Babae iyon na maganda at sexy. Makinis. Maputi.
Lumapit siya kay Athan at ikinawit niya ang isang kamay niya sa braso ng asawa at matiim na tinitigan ang babae. Sigurado siyang ito na ang kabit ng asawa na dapat niyang makilala.
“Ikaw pala ang higad!” sa loob-loob niya. Pagdaka ay tumahip ang dibdib niya sa nagliyag doon na matinding galit. Tumaas-baba ang kaniyang paghinga at naningkit ang kaniyang mga mata. Pero sinikap pa rin niyang maging mahinahon.
"Siya na ba?" mahinang tanong niya sa asawa.
"Please, Hon, huwag kang gumawa ng eskandalo. Nakakahiya," ani Athan.
Taas-noo na siyang bumitaw sa braso ni Athan at humakbang.
"Yhannie, p-please?" pigil ni Athan sa isang kamay niya.
Seryoso
