Puting kisame ang unang nasilayan ni Laila ng buksan niya ang kanyang mga mata. Wala siyang ibang makitang kulay sa buong silid kun'di puti pati na rin ang kamang hinihigaan niya. May nakakabit na IV sa kamay niya at nakaramdam siya ng pananakit ng katawan ng sinubukan niyang bumangon para umupo. Pero tiniis niya lang iyon hanggang sa makaupo siya at agad niyang niyakap ang kanyang tiyan ng bumalik sa alaala niya ang nangyari kung bakit siya nasa hospital. Ang pagkahulog niya sa hagdan. Ang pananakit ng kanyang katawan lalo na ang kanyang tiyan. Ang dugo sa kanyang hita. Oh my God! Ang baby niya..
Hinaplos niya ang kanyang tiyan at sunod-sunod na tumulo ang kanyang luha dahil pakiramdam niya ay may nawala sa kanya. Pakiramdam niya ay kulang na siya at kahit wala pang nagbibigay sa kanya n
