Dumaan muna si Laila sa parke para makipagkita kay CJ bago siya pumunta sa dating bahay nila ni Darwin para linisan iyon. Kung tutuusin naman ay malinis pa iyon at hindi pa kailangang linisan ulit pero nakasanayan na din niya ang pumunta doon once a week lalo na pag namimiss niya ang asawa. Lagi niya iyong nililinisan sa nakalipas na tatlong taon at minsan ay hindi niya mapigilan ang umidlip sa ibabaw ng naging kama nila dahil pakiramdam niya ay nandoon pa din ang presensya ni Darwin. Napaka-kumportableng mahiga doon at mabilis siyang nakakatulog kapag humihiga siya sa kama sa loob ng kwarto nilang mag-asawa.
Nang makarating siya sa parke ay nakita niya ang mag-asawang CJ at Caren. Kasama ng mga ito ang babaeng anak na halos ka-edad lamang ng triplets. Lumapit siya sa mga ito at nakipagkw
