NAPAPITLAG si Dana nang tumunog ang telepono niya. Mabilis niyang kinuha iyon para tingnan kung sino ang nagpadala ng mensa. Nakatulog siya kakahintay ng balita kay Grecco at Thy.
Nang mabasang papunta ang mga ito sa apartment niya ay nakahinga siya nang maluwag. Wala siyang mabasa sa message board nila. Ang huling update ay umaga pa. At ngayon, alas-diyes na ng gabi, wala pa ring update. Nakita na nga niya ang question mark na sinend ni Supremo kaninang 8pm kaya hindi niya alam ang sasabihin.
Sinalubong niya ang dalawa sa labas nang marinig ang motorsiklo ni Thy. May bitbit na alak si Grecco at mukhang wala sa mood.
“Anyare?” aniya?
Dumiretso lang ito sa hagdanan paakyat sa apartment niya. Isang general merchandise ang baba at wala ng tao kapag ganitong oras dahil hanggang alas-nuebe
