NAG-ANGAT si Eric nang tingin matapos ang koro na pambungad ng mga choir sa malaking simbahan ng St. Michael The Archangel, dito sa Caramoan. Ngayon ang araw ng libing ng mag-iina niya, kaya dinaraos ngayon ang misa para sa huling araw ng mga ito dito.
“SA ngalan ng Ama, at ng Anak, at ng Espiritu Santo.”
Hirap ang kaloobang umusal si Eric ng salitang Amen.
Kung hindi hikbi, singhot ang maririnig sa malaking simbahan na iyon. Nakasuot siya ng sunglassess dahil namamaga ang mata niya kakaiyak kanina dahil sa isiping ihahatid niya sa huling hantungan ang mag-iina niya.
Pagkatapos na kompirmahin din ng mga rumesponde mula sa bureau of fire na may nakuhang dalawang bangkay na nagma-match sa mag-ina ay doon na siya nawalan nang pag-asa. Alam niya kung ano ang trabaho ng asawa at kung gaan
