HINDI niya pinansin ang pagtawag ni Eric sa kanya ng Mama Dana. Ano, anak lang ang peg? Napailing na lang siya
“Anong ginagawa niya dito?” hindi na niya naisatinig. Pero halata ang tanong niya sa mata niya.
“S-sinong nagsundo sa ‘yo, anak?” aniya kapagkuwan.
“Si Papa Mayor po.” Bahagyang umangat ang kilay niya na hindi naman nakaligtas sa paningin ng alkalde.
Sabi na. Kasi, alas-siyete na ng gabi. Kaloka naman kasi ang alarm niya. Sino ang nagpatay? O baka hindi tumunog?
Naiiling na nilapitan niya ang anak. Kinumusta niya ang maghapon nito na kaagad naman niton ikinuwento.
Aliw na aliw naman ang alkalde habang nakikinig sa madaldal na anak. Pero tumitingin din sa kanya ang alkalde habang nakangiti pero balewala ito sa kanya. Parang wala lang ito sa bahay niya.
Naririnig niyang nag-
