PABAGSAK na naupo si Eric sa upuan niya pagkaalis ng sasakyan niya kung saan lulan si Dana. Sinilip niya pa ito mula sa opisina kung nakasakay na ba ito.
Hinilot niya ang ulo kapagkuwan. Hindi niya maintindihan ang sarili kung bakit kailangan niyang problemahin ito. Maybe hindi siya sinusunod nito kaya siya naiinis. Siya ang kauna-unahang babaeng hindi sumusunod sa kanya. Ang ibig niyang sabihin, ‘yong bagong Dana ngayon.
Noon kasi, sumusunod ito sa kanya. Mga panahong nagdadalaga ito. Nang sabihin niyang mag-aral ito nang mabuti, nag-aral naman. Pero ngayon? Mukhang mapapanot siya kaagad kakaproblema sa dalaga. Buti nakaya ni Diane ang kapatid nito.
Napangiti siya nang maalala si Diane. Ibang-iba talaga ito sa kapatid nitong si Dana. Mabait at responsable si Diane. Matured mag-isip dah
