PABALING-BALING si Dana sa kinahihigaang kama ni Mayor. Hindi siya makatulog dahil sa nangyari kanina. Ilang taon na kasi bago ulit naulit iyon. Kaya naman nagulo ang isipan niya.
Saka nakokonsensya siya dahil hindi natulog si Mayor sa silid nito. Dahil nga sa inukupa niya iyon. Hindi niya alam kung nasaan ito. Kaya naman lumabas siya para alamin sana. Gusto niyang bumalik ito sa kuwarto nito dahil hindi rin naman siya makatulog.
Bandang ala-una na noon ng madaling araw kaya napakatahimik ng paligid. Kahit na nararamdaman niya ang paminsan-minsan na pagkirot, nagpatuloy siya sa paglabas ng silid. Lumabas pa siya mismo ng bahay. Naabutan niya si Thy na nakaharap sa laptop nito. Alam niyang nagtatrabaho ito. Hindi lang dito ito naka-monitor, kung hindi pati sa lahat. Techy kasi siya at isa
