TULUYAN nang dumaloy ang luha ni Ashley. Naninikip ang dibdib niya, parang binubusa. Humagulhol siya habang nakasubsob ang mukha niya sa dibdib ni Seth. Ang kuwento na ata ni Seth ang pinakamasakit at malungkot na narinig niya, the way na ramdam niya kung gaano ito nasaktan at nagdusa noong panahong iwan ito ng ina nito sa murang edad.
Hinaplos nito ang buhok niya at hinalikan siya sa ulo. "Stop crying please," pakiusap nito sa kanya sa garalgal na tinig. "Huwag mong ipaalala sa akin kung paano ako nasaktan noon. Ayaw kong maramdamam mo 'yon," anito.
Nag-angat siya ng mukha at sinalubong ang malamlam nitong mga mata. Alam niyang gusto rin nitong umiyak pero pinipigil nito ang paglabas ng luha nito. Alam niya'ng ramdam pa rin nito ang sakit. Hinaplos nito ang pisngi niya at pinahid ang ka
