ONE week in the studio was boring. Hinahanap-hanap ni Ashley ang simoy ng hangin mula sa karagatan pero wala siyang choice kundi tutukan muna ang mga projects sa loob ng VTI. Katatapos lang ng photoshoot para sa bagong project ng VTI. May mga bagong recruit na models si Chesca at ang babata.
Naninibago siya. Sa LA kasi, kahit baguhan at mga bata ang talents nila ay kumakabog na at nakikipagsabayan sa mga batikan sa industriya. Wala, eh, pinili niyang bumalik ng Pilipinas kaya kailangan niyang mag-adjust. Next month pa raw ang susunod na outdoor project nila dahil inaatupag nila ang fashion endorsements.
Hinihilot niya ang nangangalay niyang batok habang hinihintay na maging handa na ang mga modelo sa entablado. Nakapuwesto na ang camera niya para kuhaan ang mga ito ng larawan. May mga te
