NANGHIHINANG dumating sa condo si Ashley. Papasok na siya sa kanyang unit nang mamataan niya si Seth na naglalakad patungo sa kanya. "Kinausap mo pa rin ang hayop na lalaking 'yon?" may poot pa ring usisa nito sa kanya nang tuluyang makalapit.
"I'm just trying to convince him to stop the case against you," mahinahong tugon niya.
"Let him, I'm not afraid!" Nakataas ang timbre ng boses nito.
"Seth, nasisira ang reputasyon mo dahil sa nangyari. Pinagpipiyestahan ang eskandalo mo sa social media. Nagsisimula ka pa lang sa industriya at paangat pa lang. Hindi ako papayag na bigla kang babagsak nang dahil sa akin," paunawa niya rito.
"I don't care, Ash!" he shrieked.
"You don't care? Look, Seth, hindi basta-bastang kalaban si Duncan. May pangalan siya at makapangyarihan. Kaya niyang wasakin
