Ano bang pumasok sa kanya para magalit siya? Ice-cold beer lang ang ine-enjoy niya for goodness sake! Ang bango na nagmumula sa inihaw na isda at pork barbecue ay sumalubong sa kanyang ilong na panandalian niyang nakalimutan ang tungkol sa nakakunot-noong lalaki sa kabilang side ng mesa.
"Mag-uusap tayo mamaya," sabi ni Juan kay Natalie.
“Bakit?”
“Basta.”
Magtatanong pa sana si Natalie ngunit tinawag na sila ni Maricel upang kakain na. Muli siyang nagtaka dahil walang dumating na kahit isang bisita. Nang tumingin siya sa gawi ni Juan, nagkibit lang ito ng balikat. Nakabusangot pa rin ang lalaki na tila ba ang laki ng problema nito. Nag-alay ng maikling dasal si Maricel bago sila nagsimulang kumain. Pagkatapos ng panalangin ng pasasalamat ay nagsimula na kaagad silang kumain.
“Kaini
