Kabanata 15: Claimed
“I said, stop the car!” singhal ni Althea sa kanyang ninong. Sukdulan na ang inis na nararamdaman niya rito dahil hindi siya nito pinapakinggan. Umaakto itong tila ‘di siya naririnig. “Ninong, ano ba? Bababa ako. Babalik ako sa bar na ‘yon!”
“No, you’re not,” matigas nitong sagot sa kanya.
Naikuyom na lang niya ang kamay. Marahas siyang sumandal sa upuan. Pinag-krus niya ang magkabilang braso sa malulusog niyang dibdib at mariing kinagat ang labi. Ramdam na naman niya ang paghapdi ng mga sulok ng kanyang mga mata dahil naalala na naman niya ang naging komprontasyon nila ni Luke; kung paano nito ipamukha sa kanya ang naging pagkukulang niya.
Hindi niya lubos akalaing sa likod ng mga matatamis na ngiti at salita nito ay may nagkukubli palang hinanaing. Hindi niya l
