Hindi na nakabalik pa si Santa sa pagtulog hanggang sa magbukang liwayway. Narinig na niya ang alingasngas ng ina at ng Tito Marlon niya sa sala kaya gumising na rin siya. Pinakiramdaman niya ang sarili at mukhang maayos naman na ang kanyang pakiramdam.
"O, anak, gising ka na pala?" puna ng ina nang mapansin siya nito pagkalabas ng pinto ng silid. "Kumusta ang pakiramdam mo?" usisa pa nito.
"Ayos naman na inay, napagod lang siguro ako sa mahabang biyahe," kaila sa ina saka nagtimpla ng mainit na kape upang ilalaman sa tiyang hindi na nagawang lamnan kagabi.
"O, siya, maupo ka na riyan at iinitin ko lang ang mga ito upang makakain ka," ani ng ina na may pag-aapura sa kilos nito.
Maya-maya ay pumasok naman sa bahay nila ang Tito Marlon niya na may bitbit na supot ng pandesal.
"O, heto p
