Pagkatapos ng misa ay dumeretso na nga sina Santa at Lailani sa birthday party ng sinasabi nitong kaibigan.
Pagbungad pa lamang nila sa lugar ay agad silang sinalubong ng isang lalaki at agad namang napagtanto ni Santa na ito marahil ang tinutukoy ng kaibigan na birthday celebrant na si Jeric.
"Akala ko ba sa inyo?" maang na usisa sa kaibigan nang mapagtantong sa isang resort sila.
"Oo pero change of plan daw, mas maganda nga rito, mas private, mas bongga," hagikgik ng kaibigan. "Besides, dulo lang ito ng aming lugar," hirit ng kaibigan.
Maya-maya ay sumingit ang lalaki sa bulungan nilang magkaibigan.
"Wow, Lani, ikaw ba 'yan?" bulalas na tanong ng lalaki sa kaibigan.
"The one and only," masiglang turan naman ng kaibigan.
Bakas ang pagkamangha sa mukha ng lalaki at nang mabaling sa
