Habang nagtatagal ay medyo nagiging kampante na si Santa sa mga kasama kahit pa mga lalaki dahil sa kulitan at mga jokes ng mga ito. Lalong umingay ang lahat nang umahon ang mga kababaihan sa dagat at nagsikain.
"Sana maulit ulit ito, ang saya!" bulalas ng isang babae.
"Ikaw naman yata ang susunod na magbi-birthay, ikaw ang manlilibre," kantyaw naman ng isang lalaki pabalik sa babae at doon ay nag-alaskahan ang lahat.
"Ayos ka lang ba?" untag na usisa ni Lailani sa kanya nang mapansin nitong tahimik na tahimik siya.
"Ayos lang ako, salamat sa pagdadala sa 'kin dito kahit papaano ay nalilibang ako. Anyways, ano nga palang pinag-usapan ninyo ni Jeric, ahemmm, hindi ko alam na may tinatago ka palang crush diyan sa tabi-tabi," bulong niya sa kaibigan na noon ay ngumiti naman ng ubod-tamis.
