Sa isang Japanese restaurant siya dinala ni Leon, mas lalong napakapit si Santa sa lalaki dahil wala siyang ideya sa goong restaurant. Hanggang fast food lang ang kaya niyang kainan kapag nakakaipon ng pera.
Matapos mag-book ni Leon ng mesa para sa kanila ay inasistehan na sila ng isang staff ng restaurant at iginiya sa pangdalawahang mesa.
Napakasosyal at high tech ang lugar, may machine pa kung saan ay o-order ng pagkain.
"What do you want to eat?" tanong ni Leon matapos siyang alalayang makaupo.
"Ikaw na ang bahala, ang sosyal naman dito, wala akong alam," prangkang turan kay Leon.
Napangiti ito sabay hawak sa kanyang baba.
"Iyan ang nagustuhan ko sa 'yo, babe, prangka ka at walang halong pagkukunwari. Naiintindihan kita, ganoon din ako noong una kong makapunta sa ibang bansa, par
