Tila wala sa sarili si Santa pagkalabas nila ng magarang condominium building na 'yon, kung wala lang si Lailani ay baka nabangga na siya dahil wala siyang pakialam sa paligid at lakad siya nang lakad.
"Beshy tabi!" malakas na sigaw ni Lailani kasabay noon ay lagitgit ng tunog ng sasakyang nagpreno hanggang sa maramdaman ang malakas na paghila ng kaibigan sa kanya.
Doon ay tila natauhan si Santa.
"Hoy, kung magpapakamatay kayo, huwag niyo akong idamay!" malakas na sigaw ng drayber ng taxi na 'yon.
"Beshy ayos ka lang ba?" puno ng pag-aalalang tanong ng kaibigan.
Hindi umimik si Santa, sa totoo lang ay kailangan niya ng isang taong mapagsasabihan ng kanyang problema pero natatakot siyang baka mqgsumbong ito sa kanyang ina.
Mahigpit na hinawakan ni Lailani ang kanyang palad sabay tingi
