Nakailang pasada na ng tingin si Leon sa larawang hawak ngunit wala pa rin siyang makitang mali o anumang palatandaan na edited 'yon. Umasa pa naman siyang tama ang sinasabi ni Girlie sa kanya dahil sa totoo lang umaasam siyang si Santa ang babaeng bubuo sa kulang sa buhay niya, ang maging asawa nito at ina ng magiging anak niya.
Nang dumako sa isipan ang salitang anak ay naalala ang anak nito, ang nakikitang pagkakawangis sa kanya, mas lalo tuloy umiigting ang hinala na baka nga siya ang tunay na ama ng bata. Kung siya nga ang ama, matatanggap kaya niya ang ina nitong taksil?
"Leon, hindi sa nanghihimasok ako sa personal mong buhay pero mainam na komprontahin mo siya para malaman mo ang katotohanan. Iniwan ko kayo kanina sa pag-aakalang ganoon ang gagawin mo pero inuna mo ang selos mo
