Nagtagal pa ng tatlong araw ang anak sa ospital bago tuluyang naiuwi, ayon sa doktor ay bacterial infections daw ang cause kung bakit tumaas ng ganoon ang lagnat ng anak. Noong una ay meningitis ang una nilang finding pero mabuti na lang talaga at hindi ganoon kagrabe.
Nang maiuwi ang anak ay mas naging maingat si Santa sa pag-aalaga rito para hindi na maulit ang mga nangyari.
Habang kalong-kalong ang anak ay hindi niya maiwasang isipin si Leon. Umiigting tuloy ang galit dito dahil alam naman nito kung saan siya pupuntahan pero hindi man lang siya nagawang bisitahin.
Naiiyak si Santa hindi para sa sarili kundi para sa anak na tila inabandona ng kanyang ama. Umaahon ang inis at galit sa dibdib para kay Leon lalo na kapag nakikita ang kanyang anak.
"Santa, akin na muna si baby at mag-imi
