CALM BEFORE THE STORM
XYRELLE GRACE VERNAULA
"MAMIMISS ka namin," malungkot na sambit ni Jayda bago yumakap sa kanya. Uuwi na ang mga ito sa Manila dahil tapos na ang hiningi ng mga itong leave na sumobra pa ng ilang araw. Hindi kasama ng mga ito si Ken na nauna nang bumalik ng Manila dahil sa isinampa niyang kaso laban dito. Balita niya ay natanggalan na ito ng lisensya dahil sa ginawa ngunit ni katiting na awa para sa lalaki ay wala siyang maramdaman.
"Mamimiss ko rin kayo, chers. Ako naman ang dadalaw sa inyo next time," sagot niya saka bumeso at yumakap sa mga ito.
"Thank you for letting us crash in your mansion for two weeks," alanganing wika ni Pamela sa binatang katabi niya. Nakahawak ito sa kanyang bewang na para bang mawawala siya kung sakaling mabitawan siya nito.
"Thank
