PANGATLONG araw na ni Jheann bilang assistant secretary ni Olivia. Itinuturo na nito sa kaniya ang mga kailangan at dapat niyang gawin na pansamantala nitong iiwan sa kaniya sa mga susunod na araw.
Aminado si Jheann na nahihirapan siya dahil wala naman siyang experience sa ganoong trabaho. Pero magaling magturo si Olivia at mabilis naman niyang maintindihan kaya keri lang.
Kung hindi sana sina Mama Linda at Olivia ang personal na humiling sa kaniya para maging reliever nito ay hindi siya papayag. Nangangahulugan lang kasi iyon na halos twenty-four-seven na silang magkakasama at magkikita ni Jared. Mula sa paggising, sa pagpasok at hanggang sa uwian. Hindi naman kasi siya pinapayagan ni Jared na magmaneho siya ng sariling kotse niya. Marahil ay iniisip nito na baka pumuslit siya para mak
