HINDI kayang ipaliwanag ni Jared kung bakit bigla na lang siyang napangiti nang makita niya si Jheann na mahimbing na natutulog sa tabi niya. Nitong mga nakaraang araw, simula nang matuklasan na niya ang tungkol kay Hope ay naging masigla na siya. Mas madalas na rin siyang napapangiti. Lalo na kapag naalala niya ang cute na mukha ng kaniyang anak. Pakiramdam ni Jared ay lalo siyang nagiging inspirado sa bawat araw. Kahit ibinalik na niya ito sa piling ni Oliver ay magaan pa rin ang kaniyang loob.
Pakiramdam ni Jared ay bumabalik na sa dati ang damdamin niya para sa asawa. Hindi pa man marahil buo pero malaking na parte na ng kaniyang puso ang muling tumitibok para rito. O dahil ang totoo ay hindi naman talaga ito nawala sa kaniyang puso at natabunan lang ng galit.
Iyon nga lang, kailang
