PAGKATAPOS tumakas noon ni Ahmet Yilmaz sa resort ay hindi pa rin ito nakapagtago nang matagal kay Jared. Hindi kasi sila tumigil sa paghahanap dito. Gusto na niyang matapos ang misyon niya rito para mabalikan na niya ang mag-asawang Smith.
At nang sumunod na araw lang ay ibinalita sa kaniya ni George na nasa London pa rin ito at may balak na um-attend sa party na dadaluhan din ni Jared. Isa iyong pagtitipon kung saan ay magsasama-sama ang maituturing na pinakamayayamang tao sa buong mundo.
Perfect chance iyon kay Jared dahil magkakaroon siya ng chance na walang kahirap-hirap. Masusundan niya ang bawat kilos ni Ahmet Yilmaz na hindi na kailangan pang magtago. At higit sa lahat ay mapapatay niya agad ito sa oras na makapagsolo silang dalawa dahil wala itong alam sa pakikipaglaban bukod s
