Present time...
PAGKAGALING nilang apat sa Pulkovo ay dumiretso na sina Jared sa Lezaternburg na sakay ng kani-kanilang sports car. Isa iyong city sa Russia na iniiwasang puntahan ng mga normal na tao na nakakaalam sa hiwaga ng lugar na iyon. Ang sabi nga sa bansang iyon, kung mahal mo raw ang buhay mo, huwag na huwag kang pumunta sa lugar na iyon.
Dahil ang Lezaternburg ay tirahan ng mga tinaguriang most "dangerous people" in the world.
Nang makarating sa Lezaternburg ay tumigil ang kanilang mga sasakyan sa likod ng isang simpleng grocery store lang sa paningin ng iba. Mayamaya lang ay walong security guards ang lumapit sa kanila para kilalanin sila. Tigdalawang guwardiya ang lumapit sa bawat sasakyan. Ipinakita nila ang kani-kanilang gold chip na may ibong nakikipagsapalaran sa ulap
