"Ito ba?" tanong ng tindera habang tinuturo ang kulay pula na botelya.
Umiling si Rose.
"Hindi 'yan," aniya habang iniisa-isang tinitignan ang mga naka-display na mga kung ano-anong likido.
"Ito 'yon," sabi ni Rose at hinawakan ang kulay dilaw na botelya.
"Huh, akala ko ba gayuma ang binili mo?" takang tanong ng tindera.
"Oo nga, ito 'yong nabili ko at sinabayan ko ng dasal," sagot ni Rose.
"Hindi 'yan love potion."
Natigilan kami parehas ni Rose.
"Ano pala ito?" tanong niya habang tinitignan ang bote.
"Gamot 'yan para sa kati-kati," sagot ng tindera.
Sinamaan ko ng tingin si Rose.
"Pinainom mo ako ng kung ano-ano," sabi ko sa kaniya. Bahagya siyang lumayo at alanganing ngumiti.
"Ayos lang 'yon, hindi lang naman ikaw ang nakainom eh," sabi niya habang nakangisi at ba
