Tuloy-tuloy at tila ba nagmamadali ngayong lumabas si Tobias mula sa bahay na tinutuluyan nila hanggang sa nakarating ito sa tarangakahan at natigilan nga saglit at sinipa ang punong nasa gilid niya dahil sa inis na nararamdaman niya ngayon.
“Tobias! Bakit ba nagmamadali kang lumabas ha?”
At ni hindi nga nito napansin ang pagsunod sa kaniya ni Mary sa biglaan na lamang niyang paglabas ng bahay.
“M—mary kasalanan ko,” tugon nito na siya ngang nakatikom ngayon ang kamao. “Kasalanan ko kung bakit nasa bingit ngayon ng kamatayan ang mga tao sa loob. Kung hindi ko sana hinayaan na makuha ni Emmanuel ang dokumento ay hindi sana mangyayari ang lahat-lahat ng ito.”
“Tama ka, kasalanan mo nga Tobias.”
At dahilan nga ang sinabi ni Ma
