Pilipinas
~ Enero 10, 1944~
“Putek na ‘yan!” bulalas ni Mary na siyang nauna ngayong bumaba sa sasakyan kasama sina Bernard at Tobias. “Dapat kasi ay hindi mo na lamang ako tinulungan!”
Hindi ngayon makatangin ng diretso si Tobias sa kaniya dahil maski siya ay dismayado at sinisisi rin ang sarili sa nangyaring nakuha ni Emmanuel ang dokumento mula sa kaniya.
“Nasa kamay na Tobias ngunit hinayaan mo pang mawala. Kanino sa tingin mo mapupunta ito? Hindi ba kay Doktor Willson din?” patuloy pa nga ni Mary na siya ngang nagpipigil ngayon ng kaniyang galit habang nakatikom ang magkabilaan niyang kamao. “Nang dahil sa iyo ay malamang maisasakatuparan na nila ang mga masamang pinaplano nila. Tobias, dapat kasi nag-isip ka muna bago mo ako binalikan ano? Piste na ‘yan! Dapat sumama ka nalang k
