"Maraming salamat, Iho. Dahil sa tulong mo ay ligtas na ang anak ko. Ngunit, maari ko na bang malaman kung bakit mo ginawa iyon? I mean ang pagdala at pagtulong mo sa amin." Hinarap siya ng kaniyang ama nang idineklara ng doktor na ligtas na ang pasyente o ang kapatid niya.
Maaring nais nitong alamin ang dahilan niya sa pagtulong. Pero para sa kaniya ay iyon ang nararapat niyang gawin, iyon ang ibinubulong ng damdamin niya. Kahit naman sino ang nangangailangan ng tulong niya ay hindi niya ipagkakait. Bilang anak at mamamayan, gagawin niya ang lahat upang makatulong sa kapwa.
"Walang anuman po. Maari n'yo na po siyang ilipat sa private room," tipid niyang sagot. Ngunit agad siyang sinalungat ng ina.
"Salamat na lang, Iho. Dahil ang pagdala mo sa kaniya dito sa pagamutan ay sobra-sobra na
