"Boss, nandito na tayo." Binalingan siya ng private investigator upang pukawin ang naglulumikot niyang kaisipan.
Inaamin niyang samo't sari ang nasa isipan niya sa sandaling iyon. Mabuti na lamang at mabait ang PI ng Boss niya na siya ring inupahan para sundan ang lead na ibinigay ng mag-asawang katiwala sa rancho. Idagdag pa ang investigation nang yumaong opisyal. Hindi niya matukoy o masabi kung paano ilarawan ang lumulukob sa kaniya sa sandaling iyon.
"Are you sure of that, Kuya Jerry?" tanong niya. Hindi naman sa pinagdududahan niya ito ngunit iyon ang nanulas sa labi niya dahil sa kawalan ng masabi.
"Maaring hindi ka makapaniwala, Boss, pero iyan ang totoo. Dito nakatira ang mga magulang mo." Tumango ito bilang pagsang-ayun sa tanong niya.
Nasa harapan sila ng bungalow house style
