"Ano sa tingin n'yo mga Pare?" tanong ni Samson sa dalawa.
"Ayusin mo ang pagtatanong mo dahil hindi kami manghuhula ni Pareng Anjo." Nakangising panunupla ni Romy.
"Tsk! Tsk! Huwag mong sabihing humina na rin ang pag-iisip mo, Tol? Alam ko namang may hinala kayo kung ano ang ibig kong sabihin." Iniamba niya ang kamo ngunit umilag ito.
Hindi naman kasi lingid sa kaalaman nila ang nangyari sa MARGARITA. Kahit papaano basta tungkol sa kaibigan nila ay updated sila. Ang Boss nila mismo ang nagbabalita sa kanila. Sa kagustuhan na rin ng bayaw nitong amo ng kaibigan niya.
"Pero sa totoo lang mga 'Tol, bilib ako sa kaibigan natin. Tama, kilala na natin siya simula pa noong nasa Elementary tayo hanggang sa kolehiyo. Ngunit sa pagkakataong ito ay hindi ko pa rin lubos maisip kung bakit ayaw ni
