Pagkapasok ko pa lang sa loob ng venue ay nagulat ako nang biglang lumitaw sa harap ko sina Mama, Papa, Spearl, Denny at lahat ng mga kakilala ko.
Kumunot ang noo ko habang isa-isa silang tinitingnan sa kanilang mga upuan.
Nakatayo silang lahat at para bang ako lang ang hinihintay na humakbang papalapit.
Nakangiti ang kanilang mga mukha at para bang dadalo sila sa...
"Totoo ba 'to?" tanong ko sa aking sarili.
Kompleto ang lahat ng mga taong mahalaga sa akin at ako lang pala ang walang kaalam-alam sa mga plano nila.
Para akong hindi kaagad makagalaw sa aking kinatatayuan at napamaang ako nang bigla na lang akong nilapitan ni Papa.
May dala siyang isang bouquet ng white roses at kaagad na ibinigay sa akin.
Nakatitig lang ako sa ibinigay niya sa aking bulaklak at ilang saglit pa
