Kabanata 54:
Pagkagising pa lang ni Brenda ay ramdam na niya ang matinding sakit ng ulo. Kaagad na sinipat niya ang kanyang noo, kasunod no’n ay ang leeg naman niya. Napapikit siya nang mariin dahil mainit siya ngunit ang kanyang katawan ay giniginaw. Kaagad siyang nagtalukbong ng kumot para maibsan ang panginginig dahil sa labis na lamig na kanyang nararamdaman.
Marahan siyang napadaing nang muli niyang naramdaman ang sakit ng ulo. Naalala niyang may pagsasanay nga pala si Johnson ngayon at kailangan niyang bumangon para puntahan ito. Ngunit nang susubukan niyang bumangon ay binati lamang siya ng nakahihilong paningin. Nahiga na lamang siyang muli saka tumitig sa kisame habang sinusubukang isipin kung paano siya babangon.
Ilang saglit pa ay may kumatok sa pinto. Sigurado siyang si Arch
