Kabanata 60:
Habang nakapikit pa ang mga mata ay kumunot na ang noo ni Johnson nang makarinig ng kakaiba. Ang tunog na iyon ay para bang sa napapanuod niya sa drama, iyong tunog ng monitor kapag nasa hospital ang eksena. Isa pang napansin niya ay amoy alcohol ang paligid. Marahan niyang iminulat ang kanyang mga mata, isang kulay puting kisame ang bumungad sa kanya.
“Johnson?”
Teka, tama ba ang narinig niya? Boses iyon ni Shanna! Mabilis niyang iminulat ang kanyang mga mata. Nakumpirma niyang si Shanna nga ang nagsalita nang makita niya ang mga mata nitong nakatingin sa kanya na may pag-aalala.
“Johnson! Gising ka na!” Halos maluha si Shanna nang makitang gising na nga talaga siya.
Habang siya ay hindi makapaniwala, si Shanna naman ay tumakbo para lumabas at magtawag ng Doctor. Marahan
