Kinagabihan habang nasa loob ako ng aking silid ay narinig ko ang tinig ng isang binatilyo sa ibaba kausap ang mama ko.
“Magandang gabi po, tiya. Pinapasabi po ni Tita Mae na papupuntahin na raw po si Ate Cian sa gym. Nagsisimula na raw po ang program doon. Naroon na rin daw po silang lahat at siya na lang daw po ang kulang. Number eight daw po ang table nila.”
“O sige, totoy. Sasabihan ko na lang si Ate Cian mo, ha? Salamat sa pagpunta rito. Mag-iingat ka,” narinig kong sagot ni mama rito.
Ilang sandali pa ay naramdaman ko ang pag-akyat ni mama sa itaas at ibinatid sa akin ang pasabi ng mga kaibigan ko. Ayaw ko sanang lumabas ngayon pero dahil tutugtog ang banda ngayon sa gym ay pupunta na lang ako bilabg suporta sa kanila pero kalakip ng aking pagharap sa kanilang lahat ay pipilitin
