Panibagong summer na naman ang paparating subalit hindi kagaya ng mga nagdaang taon na masaya at excited akong inaabangan ito sapagkat nauna nang tumawag sa akin si Zach upang ipaalam na hindi raw muna siya makauuwi dahil mayroon siyang summer class. Gayon na lamang ang aking panlumo nang mabatid ang kanyang ibinalita subalit naiintindihan ko naman ang kanyang sitwasyon. Mabuti na lamang at perfect attendance pa rin ang mga barkada namin tuwing bakasyon kaya kahit papaano ay naaaliw ako kahit pa wala ang presensya ni Zach. Si Zach naman ay hindi pumapalya sa pagtawag at pag-text sa akin araw-araw bago ito pumunta sa paaralan, tuwing breaktime at pagkauwi sa bahay. Mahabang usapan naman ang nagaganap sa amin tuwing gabi bago siya matulog.
Isang nakakabagot na gabi iyon kaya nagyaya ang mga
