*** Cian ***
“Bro! Buti naman at napadalaw ka rito,” ngiting saad niya sa kaibigan. Lumapit siya rito sabay hawak sa braso nito. “Bakit ka nga pala nasa Maynila ngayon?”
Umakbay si Vin sa kan’ya pagkatapos ay sabay nilang nilapitan ang kama ng kanyang ina.
“May assembly kasi akong dinaluhan.” Nagmano ito sa kagigising lang niyang ina at agad na nangumusta. Ng mga sumunod na sandali ay naging masaya na ang kanilang usapan.
“Himalang alam mo ang hospital na kinaroroonan namin. Sinong nagturo sa ‘yo?”
“Itinanong ko kay Miles. Actually, dalawa talaga ang sadya ko sa pagpunta ko rito.” Biglang sumeryoso ang mukha nito.
Kumunot naman ang kanyang noo. “Talaga?”
“Pwede ba kitang makausap sandali sa labas?”
Nagtaka siya kung bakit kailangan pa nilang lumabas. Kinabaha
