*** Vin ***
Nang araw na iyon ay maagang gumising si Vin upang habulin ang flight niya papuntang Maynila. Kinailangan niyang um-attend sa Philippine Veterinary Medicine Assembly na gaganapin sa isa sa mga hotel doon. Bilang isang lisensyadong doktor ng mga hayop ay at miyembro ng naturang organisasyon ay obligado siyang sumali sa asembleya na ginaganap taon-taon roon.
Dahil nadestino ang asawa niyang isang social worker sa bandang Samar ng halos tatlong linggo ay napagpasyahan niyang sa staffhouse na libreng ipinauukupa ng kompanya na lang muna siya mamalagi hangga’t hindi pa ito nakakauwi. Malaking bagay rin ang pagiging malapit ng naturang bahay sa farm na kanyang tinatrabahuan sapagkat kahit madaling araw na siya makatulog ay hindi problema sa kan’ya.
Sa kasamaang palad, kun
