Ilang segundo silang nagtitigan. Ang malamlam nitong mga mata ay may hatid na samo’t saring emosyon na hirap siyang basahin. Wala sa loob na naitakip niya ang mga palad sa kanyang tiyan nang bumaba ang tingin nito roon. Napipilan siya at pinawisan ng malapot. Hindi niya alam kung nahalata ba nito ang umbok ng kanyang tiyan dahil sa suot niyang maluwang na PPE.
Si Zach ang unang nagbawi ng tingin. Nanatiling nakamaang lang siyang pinagmasdan itong nakatayo hanggang sa tuluyan na itong umalis matapos lumingon sa nakahiga niyang ina. Wala itong imik na tinalikuran siya habang siya naman ay sinundan lamang ng tingin ang likod nito. Nagtataka siya kung bakit narito si Zach at paano nitong nalaman ang nangyari sa kanyang ina. Gayon pa man hindi pa rin niya maiwasang makaramdam ng saya nang m
