THIRD PERSON
PINAHID NI Khyzyr ang dugong tumulo sa kaniyang ibabang labi kasabay ng kaniyang pagbangon. Hindi niya lubos akalaing kaya palang lumakas ng kalaban niya sa ganoon kaikling panahon.
Noong nakaharap niya kasi ito ay mabilis nila itong natalo, pero ngayon? Masasabi niyang nahihirapan siyang talunin ang lalaki.
"You are good," puri nito bago binalot ng apoy ang kaniyang kamay at sinugod ang lalaki.
"Alam ko," sagot ni Crow saka binalot din ng itim na apoy ang kaniyang kamay at sinalubong si Khyzyr.
Malakas na sinuntok ni Khyzyr ang lalaki pero naiwasan ito ng huli. Pero nang ito naman ang umatake ay hindi ito naiwasan ng haligi. Pero hindi ito bumagsak. Napangiwi lang ito at tiniis ang sakit.
Bumwelong muli si Khyzyr at sinuntok si Crow. Umiwas muli ang huli, pero dahil sa
