[EPILOGUE]
NAKARATING nang matagumpay ang lahat ng mga haligi sa kani-kanilang tore. Pero tanging si Sierra lang ang naguguluhan dahil wala siyang kahit na anong alam sa kung ano ang gagawin niya. Hindi rin niya alam kung nasaan ang guardian niya, dahilan para mag-alangan siya kung magagawa nga ba nilang matawag ang nilalang na magliligtas sa buong Avellor.
Pero lahat ng mga pag-aalangan ay saglit niyang nakalimutan nang makita niya ang apat na sinag ng liwanag na nagmumula sa hilaga, silangan, timog, at kanluran. Pula, berde, asul, at kulay abo, iyan ang mga liwanag na umabot hanggang sa kalangitan na humati sa kumpol ng itim na ulap.
Pero nanlaki ang kaniyang mga mata nang biglang bumulusok papunta sa kaniya ang apat na liwanag. Napapikit siya nang binalot siya ng mga ito. Naramdaman
