Sa paglipas ng mga araw ay patuloy na lumaki ang tiyan niya, at dumating na sa punto na madali na siyang mahapo kahit saglit na paglalakad-lakad lang naman sa backyard.
Siyam na buwan na ang tiyan niya, sobrang laki na. Mabuti na lang ay tudo alalay naman sa kaniya ang dalagitang apo ng katulong na tuwing nahahapo siya ay pinapaupo siya, may dala-dalang maliit na plastic chair tuwing sinasamahan siya nito maglakad-lakad sa labas.
Pero tuwing nasa mansyon naman si Felix ay ito lagi ang nakaalalay sa kaniya, at tuwing napapagod siya sa paglalakad-lakad ay agad siya nitong binubuhat.
Pero ngayon ay dalawang araw nang wala si Felix. Nagpaalam ito sa kaniya na kailangan munang pumunta ng Bogotá dahil tinawagan ng stepfather nito na ama ni Thaddeus. Ang paalam nito sa kaniya ay dalawang araw
