PASADO alas otso na ng umaga nang magising si Thaddeus, wala nang Roxy sa tabi niya. Agad siyang naghanap, hanggang sa sinabi na nga sa kaniya ng mga tauhan niya ang pagdating ng stepbrother niyang si Felix.
Nang tingnan niya ang CCTV footage ay doon na niya nalaman ang buong pangyayari. Nakita niya kung paano nahulog si Roxy sa hagdan at nawalan ng malay.
Parang nanlamig naman siya sa napanood at mabilis na hinagilap ang kaniyang phone. Agad niyang tinawagan ang number ni Felix.
Sumagot naman ito agad.
“Where's Roxy? Is she okay? Nasa ospital ba siya ngayon?” sunod-sunod na niyang tanong na puno ng pag-aalala at napahilamos pa sa sariling mukha.
“Yes, nasa ospital kami ngayon,” Felix replied coldly. “What did you do to her, Thaddeus? Bakit mo siya nagawang gutumin? Inalipusta mo ba
