“DADDY! Where are you?” malakas na sigaw ni Claudette.
“Ate naman, bakit ba ang hilig mong sumigaw? Maririnig ka naman ni Daddy kahit hindi ka sumigaw, ah,” angal ni Duncan na tinakpan pa talaga ang tainga.
“Hoy, Duncan, kambal tayo kaya’t huwag na huwag mo akong tawaging Ate. And besides, nauna ka pa daw lumabas sabi ni Mommy,” taas-kilay na sagot ng sampung taong gulang na si Claudette.
“Maka-hoy ka naman diyan, wagas. Sumbong kaya kita kay Lolo Rovy o ’di kaya kay Lolo Rey para paluin ka nila sa puwet,” kunot-noong tugon ni Duncan.
Bago pa man humaba ang iringan ng kambal ay pumagitna na ang tinatawag ng una.
“Anong kaguluhan ito, mga anak?” kunwa’y tanong ni Clyde sa mga ito kahit narinig niya ang kanilang usapan. Nagtakbuhan naman ang kambal at nag-unahang yumakap sa ama.
“Si
