Kung nung una ay hindi ako nagtatanong kay Jett ng mga kaganapan sa sitwasyon ni Tita Clover, ngayon ay inaalam ko ang mga detalye. Kailangang maplano ko ang gagawin ko.
Kung si Tito Judd ay kasama sa hinihinging kundisyon ni Mama, hindi pa rin matatapos ang problemang ito. Hindi magkakaroon ng katahimikan ang pamilyang ito at ang pagsasama namin ni Jett.
Ngayong alam ko na ang plano ng kampo ng pamilya Madrigal, panahon na siguro para umaksyon ako. Kabayaran man lang sa magandang trato ng pamilyang ito sa kabila ng kung sino ako sa buhay ni Mama Becca.
Kinuha ko ang laptop bag ko, at saka ko kinuha ang isang bagay sa secret pocket sa loob ng bag. Iyon ang simcard na ginagamit ko dati. Inilagay ko iyon sa luma ko ring telepono na nandito rin sa laptop bag ko, at saka ko binuhay ang p
