“Ayun nga kasi, pinalayo muna ako ng Mama mo sa ‘yo. Kasi nga, mga bata pa naman daw tayo. Lagi pa tayong magkasama. Nag-aalala siya na baka hindi ka makatapos.”
Inis na tiningnan ko si Jett.
“Eh, bakit hindi mo na lang sinabi na ganun? Na utos ni Mama? Saka kitang-kita kita dun sa hotel, may kahalikan ka, di ba? Huwag mong sabihing hindi ikaw ‘yun? Ang alam ko, kambal lang kayo ni Josh. Hindi kayo triplets.”
Matalim ko siyang inirapan. Pero tinawanan lang ako ng walanghiya.
“‘Yun ba? Ang kulit kasi nung babaeng ‘yun. Wala nang ginawa kung hindi buntutan ako sa buong duration ng debut ni Hya. Sakto, hindi ko alam kung paano ako makikipag-break sa ‘yo. So, nung makita kitang parating, pinagbigyan ko na. Hinalikan ko, para makita mo. Para wala nang explain-explain sa ‘yo. Mas mahirap ka
