["Good morning, boss!"]
Agad namang tumalon ang puso ko pagkarinig sa boses ni Jett. Tila napipi ako at ang simpleng pagsagot ko sa bati ni Jett ay hindi ko magawa.
["Ready ka na, boss? Dito na ko sa parking n'yo."]
Napatingin ako sa mukha ko sa salamin na nasa harap ko. Kanina pa ako nakaupo rito sa dresser ko habang pinag-iisipan kung maglalagay ba ako ng make up o hindi.
["Boss?"]
"Uhm... patapos na. Maglalagay na lang ng powder."
[Huwag kang maglagay ng lipstick, boss, ha?"]
Kahit hindi nakikita, ramdam ko ang pilyong pagkakangiti ni Jett sa kabilang linya. Agad din akong nakaramdam ng kiliti sa sinabi niyang iyon. Napalunok ako.
"Sige na. Ibababa ko na 'to."
Pinatay ko na ang tawag. Pansin ko ang panginginig ng kamay ko nang ibaba ko ang telepono ko sa ibabaw ng dresser ko. S
